Otorinolarinqologiya
Bütün yaş qruplarından olan insanların xarici qulaq, orta qulaq, təbil pərdəsi, burun, boğaz, səs telləri, qida borusunun üst tərəfi, üz sinirləri ilə bağlı xəstəlikləri, daxili qulaqla beyin arasındakı patologiyalarını öyrənən elm sahəsidir.
Burun boşluğu, sinus problemleri, allergiya, adenoid, tonzillit, badamcıq, iybilmə problemləri, daxili qulaqdan qaynaqlanan eşitmə və müvazinət problemləri, səs telləri və udlağın xəstəlikləri, danışıq və səs patologiyaları da bu klinik bölmənin terapiya sahəsidir.
Burun –boğaz – qulaq xəstəlikləri zamanı rast gəlinən əsas əlamətlər aşağıdakılardır:
• Baş ağrıları
• Baş gicəllənmələri
• Burun axıntısı, qaşınması
• Qulaq batması
• Eşitmənin itirilməsi
• Boğaz ağrısı
• Öskürək
Bu kimi narahatçılıqlar zamanı qulaq - burun – boğaz həkiminə müraciət olunmalıdır.
Qulaq xəstəlikləri müxtəlif səbəblərdən yarana bilər. Bunlardan orta qulaq iltihabları, qulaq batması, keçici və ya qalıcı eşitmə zəifliyi, üzün iflici, qulaq sinirlərində yaranan narahatçılıqlar və estetik problemlər qulaq xəstəliklərinə aiddir. Eyni zamanda eşitmə zəifliyi olan zaman qulağa cihaz qoyulmasını üçün də qulaq – burun – boğaz həkiminə müraciət olunmalıdır.
Burunla bağlı narahatçılıqlardan burun tıxanıqlığı, iybilmə problemləri, burun qanaxmaları, iltihabları, deformasiyaları kimi xəstəliklərə LOR bölməsində baxılır. Eyni zamanda burunun bədxassəli şişləri zamanı da bu bölmələrə müraciət olunmalı, daha sonra həkimin məsləhətinə əsasən onkologa yönəlmək lazımdır.
Boğaz xəstəliklərindən xoruldama, apnoe, reflüks, səs tellərində meydana gələn nodüllər, poliplər, çənə və boğaz ağrısı, boğazda quruluq, yanma hissi, qida borusunun xəstəlikləri zamanı da LOR şöbəsinə müraciət edilməlidir.