Nəfəs almağı asanlaşdıran və həyat keyfiyyətini artıran müasir müdaxilə!

Konxalar (burun ətləri) – burun boşluğunun yan divarlarında yerləşən, nəfəs aldığımız havanı nəmləndirən, isidən və süzən strukturlardır. Əsasən aşağı konxalar funksional baxımdan önəmlidir.

Lakin bəzi hallarda bu burun ətləri böyüyərək tənəffüsü çətinləşdirir və bu zaman konxa cərrahiyyəsinə ehtiyac yaranır.

Konxaların böyümə səbəbləri:
-  Xroniki allergik və ya qeyri-allergik rinit
-  Burun çəpərinin əyriliyi
-  Uzunmüddətli burun damcılarından istifadə
-  Xroniki burun tutulması və sinusit

Konxa cərrahiyyəsi nədir?
Burun içində böyümüş və nəfəs yolunu daraldan konxaların ölçüsünün azaldılması və ya yenidən formalaşdırılması əməliyyatıdır.

Əməliyyat necə aparılır?
-  Lokal və ya ümumi anesteziya altında
-  Endoskopik üsulla, yəni kamera və mikroalətlərlə
Aşağıdakı üsullarla icra edilə bilər:
-  Radiofrekans ablasiya (toxumaların içindən enerji verilərək kiçildilir).
-  Mikrodebrider və ya lazer texnologiyası ilə toxumanın çıxarılması.
-   Submukozal reduksiya – selikli qişa qorunur, yalnız iç struktur kiçildilir

Üstünlükləri:
-   Ağrısız və kəsiksiz texnikalar mövcuddur.
-  Estetik dəyişiklik yoxdur (çöldən görünmür).
-  Qısa müddətli və təhlükəsiz prosedur
-  Əhəmiyyətli dərəcədə tənəffüs yaxşılaşması
-  Qoxu hissinin artması və yuxu keyfiyyətinin yüksəlməsi

Kimlərə tövsiyə olunur?
-  Uzunmüddətli burun tıxanıqlığı olanlara
-  Dərman müalicəsinə baxmayaraq rahat nəfəs ala bilməyənlərə
-  Xoruldama və ya yuxuda tənəffüs problemləri olanlara
-  Septoplastika və ya digər burun əməliyyatları ilə birlikdə

Əməliyyatdan sonra:
-  1–3 gün ərzində yüngül narahatlıq və dolğunluq hissi
-  Qanlı axıntı normaldır.
-  1–2 həftə ərzində burun içi yuyulma və baxım tələb olunur.
-  2–5 günə işə və normal həyata dönüş mümkündür.
-  Tam sağalma: 2–4 həftə

1.  Niyə dərmanla keçmir?
-   Konxaların toxuması artıq qalınlaşdıqda, burun damcıları yalnız müvəqqəti rahatlıq verir. Cərrahiyyə bu problemi kökündən həll edir.

2.  Burun estetikası dəyişir?
-   Xeyr. Konxa cərrahiyyəsi daxildən aparılır, xarici görünüşə təsiri yoxdur.

3.  Əməliyyatdan sonra yenidən böyüyərmi?
-   Əgər allergiya və ya digər səbəblər davam edərsə, təkrar böyümə mümkündür. Amma mütəmadi kontrol və uyğun müalicə ilə qarşısı alınır.