Koxlear implantasiya, eşitmə qabiliyyətini tam və ya demək olar ki, tam itirmiş şəxslərə eşitmə imkanı qazandırmaq üçün qulaq içərisinə xüsusi cihazın yerləşdirilməsi əməliyyatıdır.

Bu implant eşitmə cihazlarından fərqli olaraq, qulaqdan deyil, birbaşa daxili qulaqdakı sinirlərə siqnallar göndərərək eşitməni bərpa edir.

Koxlear implant kimlər üçün nəzərdə tutulur?
Bu əməliyyat aşağıdakı hallarda tövsiyə olunur:
-  Ağır və ya tam eşitmə itkisi olanlar,
-  Eşitmə cihazından fayda görməyən şəxslər,
-   Anadangəlmə və ya sonradan yaranmış eşitmə pozğunluğu,
-   Nitq inkişafında gecikmə olan uşaqlar,
-   Səsləri yalnız vibrasiya kimi hiss edən pasiyentlər,
-   İki tərəfli (hər iki qulaqda) sensorinevral eşitmə itkisi olanlar.
   
Əməliyyat necə aparılır?
-   Ümumi anesteziya altında həyata keçirilir.
-   Əməliyyat müddəti: təxminən 1,5–2 saat.
-   Qulaq arxasından kəsik aparılır və implant yerləşdirilir.
-   Əməliyyatdan sonra pasiyent adətən 1 gün klinikada qalır.
   
Cihaz nə zaman aktivləşdirilir?
-  Əməliyyatdan 2–4 həftə sonra implant aktivləşdirilir.
-  Bu müddət ərzində yara sağalır.
-  Aktivləşdirmədən sonra eşitmə terapiyası və reabilitasiya başlayır.
   
Nəticələr necə olur?
-  Nitq anlama və ünsiyyət bacarığı əhəmiyyətli dərəcədə artır.
-  Xüsusilə erkən yaşda implantasiya edilən uşaqlarda nitq inkişafı normallaşa bilər.
-  Yetkinlərdə əvvəl eşidən, sonradan eşitmə itkisi olanlarda nəticələr daha da müsbətdir.
   
Uşaqlarda koxlear implantasiya:
-   Anadangəlmə eşitmə itkisi olan uşaqlarda erkən implantasiya (1 yaşına qədər) nitq və sosial bacarıqların normal inkişafı üçün vacibdir.
-  Ailələr üçün reabilitasiya proqramı və loqopedik dəstək tövsiyə olunur.